काठमाडौं । पछिल्लो २४ घण्टामा देशभरका वर्षामापन केन्द्रमध्ये पाल्पाको अर्चलेमा सबैभन्दा बढी वर्षा भएको छ।
जल तथा मौसम विज्ञान विभागको मौसम पूर्वानुमान महाशाखाका अनुसार शुक्रबार दिउँसो १ बजेर १५ मिनेटसम्मको विवरणमा पाल्पाको अर्चलेमा २०५.२ मिलिमिटर वर्षा मापन गरिएको छ।
देशका अधिकांश स्थानमा अहिले पनि वर्षा भइरहेको जनाइएको छ। लगातारको वर्षाका कारण विभिन्न नदी तथा खोलामा पानीको बहाव बढ्न सक्ने भएकाले तटीय क्षेत्रका बासिन्दालाई सतर्क रहन सुझाव दिइएको छ।
महाशाखाले पछिल्लो २४ घण्टामा देशका अन्य स्थानमा मापन गरिएको वर्षाको विवरणसमेत सार्वजनिक गरेको छ।
