काठमाडौं । भोटेकोशी बाढीबाट प्रभावित २१६ मेगावाट क्षमताको माथिल्लो त्रिशूली-१ जलविद्युत् आयोजनाको अडिट-४ सुरुङबाट एक चिनियाँ नागरिकको सकुशल उद्धार गरिएको छ।
नेपाली सेना र दक्षिण कोरियाबाट आएको विपद् विशेषज्ञ टोलीको संयुक्त प्रयासमा शुक्रबार ती चिनियाँ नागरिकलाई सुरुङबाट उद्धार गरिएको हो। उद्धारपछि उनलाई नुवाकोटको त्रिशूलीस्थित मैथिली ब्यारेकतर्फ ल्याइएको जनाइएको छ।
भोटेकोशीमा बाढी आएको ११औँ दिन शनिबार बेत्रावतीबाट चण्डिका श्रेष्ठको पनि सशस्त्र प्रहरी बल र नेपाल प्रहरीको टोलीले जीवितै उद्धार गरेको छ।
यसअघि शुक्रबार दुई जनाको जीवितै उद्धार गरिएको थियो। पछिल्ला उद्धारसहित भोटेकोशी बाढीका कारण विभिन्न स्थानमा ट्रयापमा परेका चार जनाको अहिलेसम्म सकुशल उद्धार गरिएको छ।
उद्धार टोलीले बाढी तथा पहिरोका कारण जोखिमपूर्ण बनेका सुरुङ र आसपासका क्षेत्रमा खोजी तथा उद्धार कार्यलाई निरन्तरता दिइरहेको छ
